مسکن / آج کے کالمز / اپوزیشن کا پارلیمانی جماعتوں کی مشاورتی کانفرنس میں شرکت نہ کرنے کا فیصلہ

اپوزیشن کا پارلیمانی جماعتوں کی مشاورتی کانفرنس میں شرکت نہ کرنے کا فیصلہ

اسلام آباد: حزب اختلاف کی جماعتوں نے حکومت کی جانب سے نیشنل ایکشن پلان پر پارلیمانی رہنماؤں کو دی جانے والی بریفنگ میں شرکت نہ کرنے کا فیصلہ کیا ہے۔

گزشتہ دنوں وزیرخارجہ شاہ محمود قریشی کی جانب سے پارلیمانی جماعتوں کے قائدین کو خطوط لکھے گئے تھے جس میں 28 مارچ شام 4 بجے پارلیمنٹ ہاؤس میں مشاورتی کانفرنس میں شرکت کی دعوت دی گئی تھی۔

اپوزیشن جماعتوں نے حکومت کی جانب سے بلائی گئی پارلیمانی رہنماؤں کی مشاورتی کانفرنس میں شرکت کا نہ کرنے کا فیصلہ کیا ہے۔

قومی اسمبلی میں قائد حزب اختلاف شہباز شریف نے وزیرخارجہ کو جوابی خط میں اپوزیشن کے فیصلے سے آگاہ کیا۔

اپوزیشن نے شاہ محمود قریشی کی جانب سے رہنماؤں کو لکھے گئے خط پر بھی اعتراض کیا۔

شہباز شریف نے جوابی خط میں نیشنل ایکشن پلان پر قومی اسمبلی میں بریفنگ دینے کی تجویز دیتے ہوئے کہا ہے کہ منتخب پارلیمانی رہنماؤں کی بجائے تمام اراکین پارلیمنٹ کو بریفنگ دی جائے۔

خط کے متن کے مطابق نیشنل ایکشن پلان مسلم لیگ (ن) کی حکومت کی کاوشوں کا نتیجہ ہے، ن لیگ نے ملکی سیاسی قیادت کو دہشت گردی کے خلاف مشترکہ جنگ کیلئے اکٹھا کیا اور جامع پارلیمانی بحث کے بعد نیشنل ایکشن پلان پر اتفاق رائے حاصل کیا۔

خط میں کہا گیا ہے کہ نیشنل ایکشن پلان کی کامیابی پاکستان کی پارلیمانی روایات اور جمہوری اقدار سے جڑی ہوئی ہے، مشترکہ اپوزیشن پالیسی سازی میں مشترکہ فیصلوں پر یقین رکھتی ہے۔

بارے isbuser

یہ بھی چیک کریں

کشمیری بچے نے گنیز بک آف ورلڈ ریکارڈ میں نام شامل کروا دیا

زیدان حامد کا عالمی ریکارڈ کم عمر پروفیسر زیدان حامد کا اعزاز، …

جواب دیں

آپ کا ای میل ایڈریس شائع نہیں کیا جائے گا۔